शेटफळगढे ता. 15 : पुणे जिल्हा माध्यमिक शिक्षक संघ व शिक्षिका संघ, पुणे जिल्हा शिक्षक लोकशाही आघाडी यांचे संयुक्त विद्यमाने दिला जाणारा सन २०२३ चा ‘जिल्हास्तरीय गुणवंत शिक्षक पुरस्कार’ श्री छत्रपती हायस्कूल अंथुर्णे चे उपक्रमशिल शिक्षक व अंथुर्णे गावचे मा. सरपंच श्री शिंदे तानाजी ज्ञानदेव यांना नुकताच जाहीर झाला.
शिंदे सर हे शिक्षक लोकशाही आघाडी इंदापूर तालुका अध्यक्ष म्हणून काम पहातात. तसेच त्यांनी श्री छत्रपती स्वाभिमानी सेवकांची पतसंस्था भवानीनगर या पतसंस्थेचे चेअरमन पदही भूषविले आहे. मराठी या विषयाचे ते गेल्या ३० वर्षापासून अध्यापन करीत आहेत. त्यांच्या शिक्षण क्षेत्रातील या उल्लेखनीय कामगिरी बद्द्ल त्यांना हा पुरस्कार जाहीर झाला आहे. हा समारंभ रविवारी दि २४सप्टेंबर रोजी समता पॅलेस, फरांदेनगर. ता. बारामती येथे संपन्न होणार आहे.