इंदापूर ता. 22 : म्हसोबाचीवाडी येथील वनीकरणात आज, दिनांक २२ ऑक्टोबर २०२६ रोजी, ओंकार नारायण थोरवे यांच्या वाढदिवसानिमित्त सामाजिक बांधिलकी जपत तसेच निसर्गाचे आपल्यावर असलेले ऋण फेडण्याच्या भावनेतून वन्यजीवांसाठी एक स्तुत्य उपक्रम राबविण्यात आला.
सध्या परिसरात दुष्काळसदृश परिस्थिती निर्माण झाल्याने वन्यप्राण्यांना पाण्याची कमतरता भासू नये, या उद्देशाने म्हसोबाचीवाडी येथील वनीकरणातील दोन्ही पानवट्यांमध्ये पाणी सोडण्यात आले. या उपक्रमामुळे वन्यप्राण्यांना पिण्याच्या पाण्याची उपलब्धता होण्यास मदत होणार आहे.
वाढदिवस साजरा करताना केवळ आनंदोत्सव न करता निसर्ग आणि वन्यजीवांप्रती आपली जबाबदारी ओळखून राबविलेला हा उपक्रम समाजासाठी प्रेरणादायी आहे.
या वेळी ओंकार नारायण थोरवे, सरपंच राजेंद्र महादेव राऊत, अक्षय साळुंके, यश पवार आणि अविनाश पोपट चांदगुडे हे उपस्थित होते.
“निसर्गाचे रक्षण, वन्यजीवांचे संवर्धन आणि सामाजिक बांधिलकीची जपणूक, हाच खऱ्या अर्थाने वाढदिवस साजरा करण्याचा सुंदर मार्ग!”
