पळसदेव दि २६ : सप्टेंबर २०२३ . पुणे जिल्हा शिक्षक लोकशाही आघाडी (टीडीएफ) आणि पुणे जिल्हा माध्यमिक शिक्षक संघ यांच्या संयुक्त विद्यमाने दिला जाणारा जिल्हा गुणवंत शिक्षक पुरस्कार पळसदेव येथील पळसनाथ विद्यालयातील शिक्षक हिराजी काळे यांना मिळाला . दर्जेदार व गुणवत्तापूर्ण शिक्षण , शैक्षणिक क्षेत्रातील भरीव योगदानाबद्दल जिल्हास्तरीय पुरस्कार वितरीत केले जातात . रविवार दि. २४ सप्टेंबर रोजी समता पॅलेस सोमेश्वरनगर ( बारामती ) येथे झालेल्या कार्यक्रमात शिक्षक संघ व टीडीएफ पदाधिकाऱ्यांच्या उपस्थितीत पुरस्काराचे वितरण करण्यात आले. पळसनाथ शिक्षण प्रसारक मंडळाचे अध्यक्ष भूषण काळे , सचिव योगिराज काळे ,संस्थेचे संचालक मंडळ विद्यालयाचे प्राचार्य बाळु काळे ,पर्यवेक्षक विकास पाठक ,संजय जाधव संतोष पवार अशोक जाधव यांनी काळे यांचे अभिनंदन केले* आहे.
