शेटफळगढे,ता 27 : इंदापूर तालुक्यातील १३ गावच्या (सजा) कोतवाल भरतीचे अर्ज स्वीकारण्यास मंगळवार (दि २६) पासून सुरुवात करण्यात आली आहे . या संदर्भाचा जाहीरनामा आज तहसीलदार श्रीकांत पाटील यांनी जाहीर केला आहे अर्ज २६ सप्टेंबर पासून ते १० ऑक्टोबर पर्यंत सुट्टीचे दिवस वगळून हे अर्ज स्वीकारले जाणार आहेत.
वेळेत मुदतीत दाखल झालेल्या अर्जाची छाननी १२ ऑक्टोबरला होणार आहे तर येत्या १५ ऑक्टोबरला लेखी परीक्षा व अंतिम निवड १८ ऑक्टोबरला प्रसिद्ध केली जाणार आहे.
*अर्ज कोणाला करता येणार*… चौथी पास 18 ते 40 वयोगटातील व त्या सजा मधील रहिवासी उमेदवारांना अर्ज करता येणार आहेत…..
*अर्ज भरण्याची पद्धत*- अर्ज हा कार्यालयाने ठरवून दिलेल्या विहित नमुन्याचा असावा विहित नमुन्यातील अर्ज २६ सप्टेंबर पासून १० ऑक्टोबर पर्यंत पन्नास रुपये शुल्क भरून दिले जाणार आहेत, अर्जासोबत लहान कुटुंब असल्याबाबतचे प्रमाणपत्र जोडणे आवश्यक आहे, कोतवालाचा वारसदार असल्यास तहसीलदार इंदापूर यांच्याकडील कागदपत्र जोडणे आवश्यक आहे, शैक्षणिक पात्रतेच्या प्रमाणपत्राच्या छायांकित प्रती जातीच्या प्रमाणपत्राची व वैद्यता प्रमाणपत्राची छायांकित प्रत, संबंधित सज्जात राहत असल्याचा तलाठी अथवा ग्रामसेवकाचा रहिवासी दाखला, आधार कार्ड पॅन कार्ड मतदान ओळखपत्र यापैकी एक ओळखीसाठी पुरावा जोडावा लागणार आहे.
*परीक्षा शुल्क* खुल्या प्रवर्गातील उमेदवारांना ५०० रुपये, इतर प्रवर्गातील उमेदवारांना ३०० रुपये प्रमाणे तहसीलदार इंदापूर यांच्या नावे डीडी काढावा लागणार आहे. लेखी परीक्षा १०० गुणाची होणार आहे
*सजा व आरक्षण पुढीलप्रमाणे* — निरगुडे -इतर मागास वर्ग, भिगवण – अनुसूचित जमाती, शेळगाव – भटक्या जमाती ब ,हिंगणगाव – भटक्या जमाती क, वरकुटे बुद्रुक- भटक्या जमाती ड, कुरवली – विशेष मागास प्रवर्ग, निंबोडी व तक्रारवाडी – इतर मागास वर्ग महिला, खोरोची व व्याहळी – इतर मागास वर्ग ,काझड – आर्थिक दृष्ट्या मागास प्रवर्ग महिला , निर निमगाव- मागास प्रवर्ग ,व रेडा -खुला प्रवर्ग
