भिगवण ता. 2 : सकल मराठा समाज भिगवण परिसरातील सर्व बांधव भगिनींना यांचे वतीने मराठा योद्धा मा. मनोज जरांगे पाटील यांच्या उपोषणास पाठिंबा देण्यासाठी बुधवारी १ नोव्हेंबरला भैरवनाथ मंदिर भिगवन येथून मोर्चा काढण्यात आला सदर मोर्चा भैरवनाथ मंदिर येथून छत्रपती शिवाजी महाराज चौक आणि तेथून भारतरत्न डॉ. बाबासाहेब आंबेडकर चौक आणि पुन्हा तक्रारवाडी गावातून मदनवाडी चौफुला व तिथून पोलीस स्टेशन मार्गे पुन्हा भैरवनाथ मंदिर असा काढण्यात आला तेथे राष्ट्रगीत घेउन मोर्चा समाप्त करणेत आला.सदर कॅण्डल मार्च मोर्चामध्ये महिला भगिनींची संख्या लक्षणीय होती तसेच तरुण व पुरुषही मोठ्या प्रमाणात सहभागी झालेले होते ठिकठिकाणी गावातील अनेक समाज बांधवांनी मोर्चातील लोकांना पाणी वाटप करण्यात आले.
