इंदापूर ता. 24 : महायुतीच्या सत्तेत सहभागी झाल्यानंतर उपमुख्यमंत्री तथा राष्ट्रवादी काँग्रेसचे पक्षाचे राष्ट्रीय अध्यक्ष अजित पवार रविवारी 25 फेब्रुवारी रोजी इंदापूर तालुक्याच्या दौऱ्यावर येत आहेत या निमित्ताने श्री पवारांच्या उपस्थितीत शेतकरी,कार्यकर्ता मेळावा व जाहीर सभेचे आयोजन करण्यात आले आहे या निमित्ताने श्री पवार हे काय बोलणार याकडे सर्वांचे लक्ष लागले आहे.
रविवारी (दि. २५) रोजी सकाळी दहा वाजता इंदापूर येथील जुन्या बाजार समितीच्या मैदानावर या मेळाव्याचे आयोजन करण्यात आले आहे, अशी माहिती राष्ट्रवादी काँग्रेसचे जिल्हाध्यक्ष प्रदीप गारटकर यांनी पत्रकार परिषदेत दिली.
यावेळी राष्ट्रवादी काँग्रेसचे तालुकाध्यक्ष हनुमंत कोकाटे, पुणे जिल्हा परिषदेचे माजी सदस्य प्रतापराव पाटील, श्रीमंत ढोले, युवक अध्यक्ष ॲड.शुभम निंबाळकर, सचिन सपकळ, दत्तात्रय बाबर या पत्रकार परिषदेस उपस्थित होते.
गारटकर म्हणाले की, सकाळी दहा वाजता कृषी उत्पन्न बाजार समितीच्या आवारात हा कार्यक्रम होणार आहे. आ.दत्तात्रय भरणे कार्यक्रमाच्या अध्यक्षस्थानी असणार आहेत. महायुतीच्या सत्तेत सहभागी झाल्यानंतर पवार हे पहिल्यांदाच इंदापूर तालुक्यात येत आहेत. या निमित्ताने श्री पवार हे आपली व पक्षाची भूमिका ते स्पष्ट करणार आहेत.
त्यामुळे. या कार्यक्रमास अधिकाधिक शेतकरी, कार्यकर्ते व मतदारांनी उपस्थित रहावे, असे आवाहन ही त्यांनी केले.
