भिगवण ता.17 : लोकसभेचे निवडणूक ही आपली स्थानिक कार्यकर्तेची निवडणूक असल्याचे सांगून भारतीय जनता पार्टीने कार्यकर्ता किंवा पक्ष फोडण्यापेक्षा अख्खा पक्ष पळविण्याचे काम केल्याने राज्याच्या राजकारणाचा संस्कार बिघडविले असून या महाराष्ट्राच्या संतांच्या भूमीतील संस्कार बिघडुन द्यायचे नसतील तर भाजपा आणि भाजपा बरोबर सत्तेसाठी गेलेल्या पक्षांना घरी बसवा. व खासदार सुप्रिया सुळे यांना विक्रमी मताधिक्याने निवडून द्या असे आवाहन पुणे जिल्हा राष्ट्रवादी काँग्रेस पक्षाच्या शरदचंद्रजी पवार गटाचे जिल्हा प्रवक्ते दादासाहेब थोरात यांनी केले.
16 मार्चला भिगवण परिसरात खासदार सुप्रिया सुळे यांच्या प्रचारार्थ गाव भेटीचे आयोजन करण्यात आले होते यावेळी बोलताना श्री थोरात पुढे म्हणाले, खासदार सुप्रिया सुळे यांचे संसदेत देशात 543 खासदारात सर्वोत्कृष्ट काम आहे म्हणूनच त्यांना जवळपास नऊ वेळा संसद रत्न व नुकताच महासंघरत्न पुरस्कार मिळाला आहे त्यामुळे शेतकऱ्यांचे गोरगरिबांचे प्रश्न मांडणाऱ्या खासदार सुप्रिया सुळे यांना विक्रमी मताधिक्याने येथे निवडणुकीत विजयी करा.
यावेळी जिल्हा परिषदेचे माजी बांधकाम सभापती प्रवीण माने राष्ट्रवादी काँग्रेस पक्ष शरदचंद्र पवार यांच्या गटाचे तालुका अध्यक्ष तेजसिंह पाटील कार्याध्यक्ष महारुद्र पाटील ज्येष्ठ नेते अशोक घोगरे यांच्यासह प्रमुख कार्यकर्ते यावेळी उपस्थित होते.
