इंदापूर ता. 23 : लाकडी निंबोडी उपसा जलसिंचन योजनेचे आउटलेट पोधवडी तलावात काढा व या तलावात योजनेचे पाणी सोडा अशी मागणी श्री छत्रपती सहकारी साखर कारखाना भवानीनगर चे संचालक तसेच पिंपळे गावचे सरपंच अनिल दादा बागल व पोंधवडी गावचे माजी सरपंच नानासाहेब बंडगर यांनी राज्याचे उपमुख्यमंत्री अजित पवार व क्रीडामंत्री दत्तात्रय भरणे यांच्याकडे केली आहे.
लाकडी निंबोडी उपसा सिंचन योजनेमधून पोंधवडी तलावामध्ये आऊटलेट काढून पिंपळे पोंधवडी निरगुडे या गावचा शेतीच्या व पिण्याच्या पाण्याचा प्रश्न यामधून सुटणार आहे.
त्यामुळे या योजनेचे आउटलेट काढण्यात यावे अशी मागणी श्री पवार व श्री भरणे यांची मुंबईत भेट घेऊन केली आहे.
त्यामुळे शेतकरी वर्गात समाधान आहे.
