बारामती, 1 : भारतीय संरचनात्मक अभियंता संघटनेच्या बारामती विभाग केंद्राची (ISSE बारामती रिजन सेंटर) वार्षिक सर्वसाधारण सभा काल,30 मे 2025 रोजी बारामती येथे यशस्वीरित्या पार पडली. या सभेत 2025-2026 या कार्यकाळासाठी नवीन कार्यकारिणीची निवड करण्यात आली.
नवीन कार्यकारिणी पुढीलप्रमाणे:
अध्यक्ष: इं. सुरज चांदगुडेसचिव: इं. विकास निर्मल
खजिनदार: इं. प्रविण सावंतकार्यकारी सदस्य: इं. दिलीप यादव, इं. शहाजी परकाळे, इं. स्नेहल वाळके, इं. कुंदन होले सल्लागार: इं. गिरीधर नरुले
या नवीन कार्यकारिणीने संघटनेच्या उद्दिष्टांची पूर्तता करण्यासाठी विविध उपक्रम राबवण्याचा निर्धार केला आहे. यामध्ये स्थापत्य अभियंत्यांसाठी कार्यशाळा, सेमिनार्स, तांत्रिक सत्रांचे आयोजन, तसेच विद्यार्थ्यांसाठी मार्गदर्शन कार्यक्रमांचा समावेश आहे. विशेषतः संरचनात्मक अभियंत्यांसाठी व्यावसायिक संधी, तांत्रिक मार्गदर्शन व उद्योग क्षेत्राशी जोडणारे उपक्रम राबवण्यावर भर दिला जाणार आहे.
संघटनेचे अध्यक्ष इं. सुरज चांदगुडे यांनी आपल्या भाषणात सांगितले की, “संघटनेच्या माध्यमातून आम्ही संरचनात्मक अभियंता समुदायाला एकत्र आणून, ज्ञानाची देवाणघेवाण आणि व्यावसायिक विकास त्याचबरोबर सामाजिक हित जोपसण्याकारिता एक व्यासपीठ उपलब्ध करून देण्याचा प्रयत्न करू. विशेषतः तरुण अभियंत्यांना अधिकाधिक प्रोत्साहन देणे व गुणवत्तापूर्ण व दर्जात्मक बांधकामे उभी करणे हा आमचा प्रमुख उद्देश आहे.”
या नवीन कार्यकारिणीच्या नेतृत्वाखाली संघटना आगामी काळात संघनटनेच्या कार्यक्षेत्रातील 10 तालुक्यामध्ये अधिक प्रभावीपणे कार्य करेल, असा विश्वास संघटनेच्या सदस्यांनी व्यक्त केला आहे, अशी माहिती संघटनेचे सचिव इं. विकास निर्मल यांनी दिली.
