लोणी देवकर ता.17 : सध्या शासनाकडून अनेक योजनेतून गोरगरीब लाभार्थ्यांच्या घरकुलांना मंजुरी दिली जात आहे. मात्र खऱ्या अर्थाने घराला मजबुती येण्यासाठी वाळूमध्ये बांधकाम होणे गरजेचे असते त्यामुळे शासनाने सर्व घरकुल लाभार्थ्यांना घरकुल बांधण्यासाठी पाच ब्रास मोफत वाळू उपलब्ध करून द्यावी अशी मागणी वरकुटे बुद्रुक येथील ग्रामपंचायत सदस्य अशोक शिंदे यांनी केले आहे.
शासन निर्णयानुसार इंदापूर तालुक्यातील घरकुल लाभार्थींना पाच ब्रास वाळू मोफत देण्यात यावी शासन घरकुल लाभार्थींना घरकुल बांधण्यासाठी एक लाख तीस हजार रुपये अनुदान दिले जात आहे सध्याच्या महागाईचा विचार करता ही रक्कम घरकुल लाभार्थ्यांना हा अपुरी पडत आहे या रकमेतून घरकुलाचा फाउंडेशन व्यवस्थित होत नाही. म्हणून शासन निर्णयानुसार प्रत्येक लाभार्थ्याला घरकुल बांधण्यासाठी पाच ब्रास मोफत वाळू उपलब्ध करून देणे गरजेचे आहे तसेच सध्या घरकुल लाभार्थ्यांना कुठेही वाळू मिळत नसल्यामुळे तालुक्यातील अनेक घरकुलांचे बांधकाम वाळू अभावी रखडले आहे तरी घरकुल लाभार्थ्यांना मोफत वाळू दिल्यास लवकरात लवकर घरकुलाचे बांधकाम पूर्ण होऊन गोरगरिबांचे पक्क्या घराचे स्वप्न पूर्ण होणार आहे असेही शिंदे यांनी सांगितले