इंदापूर ता. 30 : सावित्रीबाई फुले पुणे विद्यापीठ अंतर्गत असणाऱ्या पुणे जिल्हा विभागीय क्रीडा समिती कुस्ती मुले स्पर्धा दिनांक 27ऑक्टोबर रोजी मु.सा. काकडे महाविद्यालय सोमेश्वरनगर येथे संपन्न झाल्या. या स्पर्धेमध्ये विश्वासराव रणसिंग महाविद्यालय, कळंब येथील खेळाडूंनी दोन सुवर्ण पदके मिळवली. ग्रेकोरोमन प्रकारामध्ये सुदेश सुनील बागल याने 72किलो वजनीगटामध्ये तसेच कुमार महेश खोमणे याने फ्री स्टाईल 86 किलो वजनी गटामध्ये सुवर्णपदक संपादित केले.
तसेच पुणे येथे मैदानी स्पर्धे मध्ये कुमार अभिषेक चव्हाण याने भाला फेक या क्रीडा प्रकारात रजत पदक संपादित केले.या सर्व खेळाडूंची आंतर विभागीय स्पर्धेकरिता निवड झाली आहे.या खेळाडूंना शारीरिक शिक्षण संचालक डॉ. सुहास भैरट यांचे मार्गदर्शन लाभले. इंदापूर तालुका ग्रामविकास प्रतिष्ठान चे उपाध्यक्ष श्री .प्रकाश कदम, सचिव श्री. वीरसिंह रणसिंग तसेच महाविद्यालयाचे प्राचार्य डॉ. अंकुश आहेर यांनी खेळाडूंचे अभिनंदन केले, या प्रसंगी सचिव श्री विरसिंह रणसिंग यांनी खेळाडूंना आवश्यक असे सर्व सहकार्य व मदत महाविद्यालय व संस्थेमार्फत करण्याचे आश्वासन खेळाडूंना दिले.
