इंदापूर ता.7 : क्रीडा व युवक सेवा संचालनालय महाराष्ट्र राज्य पुणे अंतर्गत जिल्हा क्रीडा अधिकारी कार्यालय जालना व महाराष्ट्र बेसबॉल असोसिएशन यांच्या संयुक्त विद्यमाने दि. 30 नोव्हेंबर ते 2 डिसेंबर 2023 या कालावधीत जालना येथे झालेल्या राज्यस्तरीय शालेय बेसबॉल स्पर्धेचे आयोजन करण्यात आले होते. राज्यस्तरीय शालेय बेसबॉल क्रीडा स्पर्धेत पुणे विभागाचे नेतृत्व करणाऱ्या श्री. नारायणदास रामदास हायस्कूल इंदापूर प्रशालेच्या 17 वर्ष मुलांच्या संघाने अंतिम सामन्यांमध्ये प्रथम क्रमांक मिळवून सुवर्णपदक संपादन केले.आज भाग्यश्री बंगलो येथे झालेल्या कार्यक्रमांमध्ये या विजेता खेळाडूंचा तसेच क्रीडा शिक्षक व प्रशालेचे मुख्याध्यापक यांचा सत्कार राज्याचे माजी मंत्री हर्षवर्धन पाटील यांच्या हस्ते करण्यात आला व खेळाडूंना पुढील स्पर्धेकरिता शुभेच्छा देण्यात आल्या.
बेसबॉल संघाचा कॅप्टन कृष्णा सुर्वे आणि तनिष्क शेलार या दोन खेळाडूंची बिलासपुर ( छत्तीसगड ) येथे होणाऱ्या राष्ट्रीय स्पर्धेसाठी निवड झाली आहे.
सर्व यशस्वी खेळाडू , प्रशालेचे मुख्याध्यापक संजय सोरटे आणि मार्गदर्शक शिक्षक स्वप्निल गलांडे यांचे संस्थेचे अध्यक्ष , राज्याचे माजी सहकार व संसदीय कार्यमंत्री हर्षवर्धनजी पाटील यांच्या हस्ते सत्कार करण्यात आला .
संस्थेचे संचालक तुकाराम जाधव, माजी पंचायत समिती सभापती नारायण वीर तसेच संस्थेचे सचिव मनोहर चौधरी यांनी खेळाडूंचे अभिनंदन केले.
यावेळी उपमुख्याध्यापक दादासाहेब चौधरी , पर्यवेक्षिका शेख मॅडम आणि सर्व खेळाडूंचे पालक उपस्थित होते .
