बारामती ता. 31 : भारतीय आयुर्विमा महामंडळाचे येथील विमा प्रतिनिधी श्री संजय घोरपडे यांची अमेरिका येथे जून 2024 मध्ये होणाऱ्या जागतिक विमा परिषदेसाठी नुकतीच निवड झाली आहे. तसेच ते विमा क्षेत्रातील प्रतिष्ठित गॅलेक्सी क्लब मेंबरशीपच्या प्रवेश वर्षासाठी देखील पात्र झाले आहेत. यानिमित्त आय.ओ.ई. संस्थेचे प्रमुख लाइफ कोच श्री मुकेश जोशी यांच्या हस्ते त्यांचा मुंबई येथे सन्मानचिन्ह देऊन सत्कार करण्यात आला. बारामती शाखेचे शाखाधिकारी श्री हेमंत जोशी, उपशाखा अधिकारी श्री गणेश खंडागळे व अरुण रुपनवर, विकास अधिकारी श्री हनुमंत बोधले, मुख्य प्रशासकीय अधिकारी श्री प्रभाकर गायकवाड, सहाय्यक प्रशासकीय अधिकारी श्री संजय बावनगडे यांचे मोलाचे मार्गदर्शन त्यांना मिळाले. ते गेल्या बारा वर्षांपासून या क्षेत्रात काम करत आहेत. आतापर्यंत पाचशेहून अधिक विमा ग्राहकांना उत्तम प्रकारे दिलेल्या सेवेमुळे त्यांना हा बहुमान प्राप्त झाला आहे. विमा क्षेत्रातील सखोल ज्ञान मिळवण्यासाठी त्यांनी आंतरराष्ट्रीय संस्थेकडून विशेष प्रशिक्षण घेतले आहे.