पळसदेव दि. ३ : भारतीय स्त्री मुक्ती आंदोलनाच्या महाराष्ट्रातील प्रथम अग्रणी, मुलींसाठी शिक्षणाची ज्ञानगंगा खऱ्या अर्थाने तळागाळापर्यंत पोहोचवणाऱ्या थोर समाजसेविका आणि आद्य भारतीय शिक्षिका व मुख्याध्यापिका क्रांतिज्योती सावित्रीबाई फुले यांची जयंती विद्यालयात मोठया उत्साहात साजरी करण्यात आली.
यानिमित्त सावित्रीबाईंच्या प्रतिमेचे पूजन कार्यक्रमाच्या अध्यक्षा प्रतिभा कांबळे यांच्या हस्ते करण्यात आले. विद्यालयातील विद्यार्थ्यांनी व शिक्षकांनी सावित्रीबाईंच्या जीवनावर विचार व्यक्त केले. जिच्या हाती पाळण्याची दोरी ती जगाते उद्धारी अशा आशयातुन स्त्रीशिक्षणाचा प्रसार करणाऱ्या सावित्रीबाईंच्या विचार व आचारांचे आचरण करून विद्यार्थ्यांनी आपले जीवन घडवावे असे मत हिराजी काळे यांनी यावेळी व्यक्त केले.
याप्रसंगी विद्यालयाचे प्राचार्य बाळु काळे ,पर्यवेक्षक विकास पाठक, संजय जाधव , शुभांगी कोळी , सुदर्शना पवार आरती वागजकर कीर्ती गायकवाड आदिसह शिक्षक शिक्षकेत्तर विद्यार्थी उपस्थित होते. सुत्रसंचालन संतोष पवार यांनी केले