इंदापूर ता. 4 : बालेवाडी स्टेडियम पुणे येथे 29 जानेवारीला पार पडलेल्या यशवंतराव चव्हाण कला क्रीडा व सांस्कृतिक जिल्हास्तरीय कबड्डी स्पर्धेमध्ये जुन्नर संघाविरुद्ध झालेल्या सामन्यात म्हसोबाचीवाडी येथील मुलींनी लहान गटामध्ये प्रथमच द्वितीय क्रमांक मिळवून स्पर्धेचे उपविजेते पद मिळवले.
त्याबद्दल या खेळाडूंचा सन्मान जिल्हा परिषदेच्या शिक्षणाधिकारी संध्या गायकवाड तसेच इतर मान्यवरांच्या हस्ते चषक देऊन करण्यात आला.
यावेळी शालेय व्यवस्थापन समितीचे अध्यक्ष श्री संदीप बाळासो पवार, मुख्याध्यापिका पाठक मॅडम, वणवे मॅडम, श्री वणवे सर, पदवीधर शिक्षक श्री. शिंदे सर, वर्गशिक्षक श्री वनवे सर, पालक श्री किसन सूर्यवंशी श्री संदीप पवार, श्री सचिन मराळ, श्री प्रशांत चांदगुडे उपस्थित होते.
मुलींच्या संघांमध्ये इशिता सूर्यवंशी, अक्षरा पवार, दिव्या पवार,सेजल थोरवे, तेजल थोरवे, राधिका ढमाळ, मोनिका धनाजी विरकर, श्वेता पवार, जानवी सूर्यवंशी, प्रिया दाभाडे, अंकिता पवार, स्वरा तावरे या खेळाडूंचा सहभाग होता.
त्यांना प्रोत्साहित करण्यासाठी अक्षदा पवार श्रावणी चांदगुडे, अपेक्षा पवार या मुली उपस्थित होत्या.
जिल्ह्यातून कबड्डीचे एकूण 13 संघ या स्पर्धेसाठी आले होते अंतिम सामना इंदापूर तालुका विरुद्ध हवेली तालुका असा झाला यात इंदापूर संघाला 23 गुण तर हवेलीच्या संघाला 24 गुण मिळाले ग्रामीण भागात असूनही इंदापूर( म्हसोबाचीवाडी) संघाने या सामन्यात उपविजेतेपद मिळविले