भिगवण ता. 16 : मोठा गाजावाजा करीत जवळपास अडीचशे कोटी रुपये खर्चातून काम सुरू असलेल्या बारामती भिगवण रस्त्याचे काम होऊन अवघे सहा महिने झाले आहेत. तोच या सिमेंट काँक्रीटच्या रस्त्याला अनेक ठिकाणी तडे जाऊन मोठ्या भेगा पडल्या आहेत. त्यामुळे रस्त्याच्या दर्जा व कामाविषयी तालुक्यातील नागरिकांमधून नाराजी होत आहे.
बारामती भिगवण रस्त्यावरील वाढत्या वाहतुकीचे प्रमाण लक्षात घेऊन शासनाच्या सार्वजनिक बांधकाम विभागाच्या माध्यमातून या रस्त्याच्या सिमेंट काँक्रीटच्या दहा मीटर रुंदीच्या कामाला आशियाई बँकेच्या माध्यमातून अर्थात एडीबी कडून जवळपास अडीचशे कोटी रुपयांचा निधी मागील दोन वर्षांपूर्वी मंजूर झाला होता. या निधीतून या रस्त्याचे काम सध्या सुरू आहे. यातील जवळपास 80 टक्के काम पूर्ण झाले आहे. हे काम पूर्ण होऊन नुकतेच सहा महिने झाले आहेत. मात्र तोच या रस्त्याच्या कामाला अनेक ठिकाणी तडे जाऊन मोठ्या मोठ्या भेगा पडल्या आहेत त्यामुळे या रस्त्याच्या कामाच्या दर्जा विषयी प्रश्नचिन्ह निर्माण झाले आहे.
यामुळे तालुक्यातील नागरिकांमध्ये नाराजीचे वातावरण असून संबंधित कामाची चौकशी करण्याची मागणी नागरिकांमधून होत आहे. मात्र बारामती भिगवण रस्त्याला गेले तडे मात्र याची चर्चा चहुकडे होत आहे. हे मात्र निश्चित ..