पळसदेव दि.25 पळसदेव येथील पळसनाथ विद्यालयातील बालाजी अडवाल या धावपटुची राज्यस्तरीय शालेय धावणे स्पर्धेसाठी निवड झाल्याची माहिती विद्यालयाचे प्राचार्य बाळू काळे यांनी दिली. क्रीडा व युवक सेवा संचालनालय महाराष्ट्र राज्य पुणे द्वारा, जिल्हा क्रीडा अधिकारी कार्यालय पुणे आणि जिल्हा क्रीडा परिषद पुणे यांच्या संयुक्त विद्यमाने क्रीडा संकुल बालेवाडी (पुणे) येथे दि.२१ते २२ ऑक्टो रोजी संपन्न झालेल्या विभागीय शालेय धावणे स्पर्धेत १९ वर्षीय वयोगटात बालाजीने ६००० मीटर क्रॉसकन्ट्री स्पर्धेत द्वितीय क्रमांक मिळवला तर १५०० आणि ३००० मीटर धावणे (रनिंग ) स्पर्धेत विभागात तृतीय क्रमांक मिळविला. त्याची चंद्रपूर येथे होणाऱ्या शालेय राज्यस्तरीय शालेय धावणे स्पर्धेसाठी निवड झाली आहे .यशस्वी खेळाडू व मार्गदर्शक क्रीडाशिक्षक सिकंदर देशमुख नितीन जगदाळे सुवर्णा नायकवडी रामचंद्र वाघमोडे यांचे पळसनाथ शिक्षण प्रसारक मंडळाचे अध्यक्ष भूषण काळे सचिव योगिराज काळे संचालक मंडळ विद्यालयाचे प्राचार्य बाळु काळे पर्यवेक्षक विकास पाठक पळसनाथ सेवक पतसंस्थेचे चेअरमन संतोष पवार संजय जाधव वृषाली काळे आदिसह शिक्षकांनी अभिनंदन केले.
