पुणे ता.26 ;गरुड फाउंडेशन महाराष्ट्र राज्य व व्यंकटेशन बहुउद्देशीय सेवाभावी संस्था यांच्या संयुक्त विद्यमाने राज्यस्तरीय आदर्श पुरस्कार वितरण सोहळा २०२४ पार पडला. यावेळी मुंबई उच्च न्यायालयाचे वकील अेॅड. वैभव गरगडे यांना राज्यस्तरीय आदर्श समाज रत्न पुरस्कार -२०२४ हा पुरस्कार देऊन गौरविण्यात आले.
यावेळी प्रमुख पाहुणे- महाराष्ट्र राज्य माध्यमिक शाळा संघटनांचे महामंडळ सचिव शिवाजी खांडेकर यांनी त्यांना हा पुरस्कार प्रदान केला. हा कार्यक्रम आळंदी पुणे येथील समृद्धी मंगल कार्यालय येथे रविवारी (ता. २१) पार पडला
यावेळी प्रमुख उपस्थिती माजी जनसंपर्क अधिकारी सावित्रीबाई फुले पुणे विद्यापीठ पुणे मधुकर चव्हाण, माजी नगराध्यक्ष आळंदी नगरपरिषद आळंदी दे. राहुल चिताळकर, गरुड फाउंडेशन महाराष्ट्र राज्य अध्यक्ष आकाश पुजारी व व्यंकटेशन बहुउद्देशीय सेवाभावी संस्था आळंदी अध्यक्ष शिवकुमार देवकाते आदी मान्यवर यावेळी उपस्थित होते.
