पळसदेव ता.११ .. पळसदेव येथील पळसनाथ विद्यालयाच्या हरीश डोंबाळे याला रांची (झारखंड) येथे पार पडलेल्या राष्ट्रीय सायकलींग स्पर्धेत रौप्य पदक मिळाल्याची माहिती विद्यालयाचे प्राचार्य बाळू काळे यांनी दिली. रांची सायकलिंग असोसिएशन द्वारा आयोजित दि.३०नोव्हेंबर ते ४ डिसेंबर २०२३ या कालावधीत झालेल्या सब ज्युनियर राष्ट्रीय ट्रॅक सायकलिंग चॅम्पियनशिप स्पर्धेत १६ वर्ष वयोगटात महाराष्ट्राचे नेतृत्व करीत हरीशने यश संपादन करून रौप्य पदक मिळवले. सायकलिंग स्पर्धेतील यशाबद्दल या राष्ट्रीय खेळाडूचा पळसनाथ शिक्षण प्रसारक मंडळाच्या वतीने सत्कार करण्यात आला. याप्रसंगी इंदापूर तालुका क्रीडाधिकारी आमसिद्ध सोलनकर,पळसनाथ शिक्षण प्रसारक मंडळाचे अध्यक्ष भूषण काळे, सचिव योगिराज काळे ,संचालक राजेंद्र काळे ,पळसदेवचे सरपंच आजिनाथ पवार, न्हावीच्या सरपंच आशा डोंबाळे , ग्रामपंचायत सदस्य महेंद्र काळे ,अंकुश जाधव,विद्यालयाचे प्राचार्य बाळू काळे पर्यवेक्षक विकास पाठक सिकंदर देशमुख नितीन जगदाळे आदिसह ग्रामस्थ ,शिक्षक विद्यार्थी मोठ्या संख्येने उपस्थित होते .कार्यक्रमाचे सूत्रसंचालन संतोष पवार यांनी केले* .
